মুখ্য পৃষ্ঠা
06/04/25
15:30
---সোঁৱৰণ---
______________
এধানিমান চাইৰঙী মাটি ;
তাতে সৰে অশ্ৰু অঞ্জলি ,
জানা ,
সেইয়া তোমাৰে সমাধি !
এঙাৰ কলিয়া বিষাদ ,
কেনেকৈ যাচিম পুষ্পাঞ্জলি ,
নুবুজিলো ,
জীৱনক কিয় দিলা জলাঞ্জলি !
জীৱন মোৰ মাটিৰ চাকি
উমি উমি আছো জ্বলি ,
আধৰুৱা আজিও
অভিশপ্ত প্ৰেমৰ ডায়েৰী |
অনুভৱী মনে নোবোজে একোকে
সোঁৱৰণিৰ দলিচাত তোমাৰেই ছবি ,
মোৰ কবিতাত তুমিয়েই ছন্দ
উত্সৰ্গা তোমালৈ বেদনা একাঁজলি |
© ৰাজু কলিতা
15/04/14
