মুখ্য পৃষ্ঠা
06/04/25
13:26
যোৱাৰাতি এটা সপোন দেখিছিলো | এজাক বৰষুণ আহিছিল | ধাৰাষাৰে.. বিজুলি পোহৰে পৃথিৱী পোহৰাই দিছিল |মেঘৰ মাদলে আতংকৰ চিঞঁৰ মাৰিছিল | মই ভয় কৰিছিলো |আৰু তুমিও (তুমি জনী কোন , মই কেনেকৈ কওঁ ?ভুল নুবুজিবা !) তুমি হঠাতে মোক সাবতী ধৰিছিলা |তোমাৰ গাভৰু দেহৰ গোন্ধত , মোৰ ভয় বোৰ ক্ৰমশঃ আবেগিক হৈ পৰিছিল ! গালে-মুখে পৰা তোমাৰ চুলি বোৰৰ স'তে , তোমাক বৰ ধুনীয়া লাগিছিল জানা ? তোমাৰ ঘন-ঘন উশাহ বোৰ , মোৰ তেজে বিয়পি পৰিছিল ! উঠন বুকুৰ স্পৰ্শত ,মোৰ বুকু কঁপি উঠিছিল ! (বেয়া পাইছা নেকি ?সঁচাকৈ অ' ) ! মই সাবতী ধৰিব লৈও ,থমকি ৰলো ! ভয় লাগিছিল ,কিজানী তুমি বেয়া পোৱা ! আৰু তুমি যে মোৰ আপোন নহয় ! দুচকু জপাই দিছিলো ! বৰষুণৰ টোপাল বোৰক ,মোৰ উৱঁলি যোৱা চাল বোৰে বাধা দিব নোৱাৰিলে ! বৰষুণ জাক সোমাই আহিল মোৰ ঘৰলৈ ! মজিয়াত পানীৰ বিদ্ৰুপ বাঢ়ি গৈছিল ! বেৰ বোৰ কোবাইছিল বাহিৰৰ এজাক বতাহে ! তুমি মোক তেনেদৰেই ধৰি আছিলা ! তোমাৰ গাত পানী পৰিব বুলি , মোৰ ডায়েৰী খনকে তোমাৰ মুৰৰ ওপৰত ধৰি ৰাখিছিলো ! তথাপি কেনেবাকৈ এটুপাল পৰিল তোমাৰ গালত ! উচপ খাই উঠিলা তুমি ! আৰু মোক মজিয়া খনলৈ ঠেলি দিলা ! পৰি গৈছিলো মই ! তুমি হাঁহি-হাঁহি আতৰি গ'লাগৈ বৰষুণৰ মাজেৰে |
