Lamborghini Huracán LP 610-4 t
মুখ্য পৃষ্ঠা
06/04/2515:04

"সময়"

নৈৰ ঢ়ৌৱে
মৃত সময় উটুৱাই আনে |
সাগৰৰ জোৱাৰে
সময়ৰ মৃত্যুবাৰ্ষিকী পাতে |

নৈ মিলন সাগৰ
সাগৰৰ বাবে নৈৰ প্ৰেম
প্ৰেমৰ বাবেই সভ্যতাৰ ইতিহাস
ইতিহাসত বন্দী
মৃত প্ৰেমৰ জীৱন্ত কাহিনি |

বুকুত চিতা জ্বলে
কামিহাঁড় বগাই ,
হুমুনিয়াহ বোৰ ধুঁৱা হৈ নিগৰে |
আদিম মানৱৰ দৰে
উলংগ হয় মন |

স্মৃতিৰ পদূলিয়ে পদূলিয়ে
বিষাদৰ নূপুৰ দুপৰ নিশা বাজে |
প্ৰেম সৰগত সাৰে থাকে |

তৰাৰ দেশলৈ দুখৰ জখলা বগাই
এদিন ময়ো যাম |
সিপাৰে মিলনৰ তীৰ্থভূমি ,
হিমালয়ৰ শেষ সীমনাত
কাহানিও পাতিব নোৱাৰো
জীৱন্ত প্ৰেমৰ সমাধি |

© ৰাজু কলিতা

15/11/14