মুখ্য পৃষ্ঠা
06/04/25
15:44
"মৃত্যুৰ আখৰেৰে"
সন্মুখ সমৰত বুকু পাতি মই
যুঁজি যাম জীৱনৰ লগত
নাহানিবি সময় প্ৰেমৰ ভাষাৰে বুকুত
জ্বলি পুৰি মৰিম মই অৱশেষত |
যদি আহে দুখৰ অলেখ সেনানী
হাঁহিৰ হেংদাং লৈ বাটভেটি লম
ৰণক্ষেত্ৰত চকুলোৰ ৰক্ত নিগৰাই
নিৰ্ভীক বীৰ হৈ মৃত্যুৰ সংলাপ কম |
হয় যদি পৰাজয় কলমৰ তৰোৱাল
তুলি লম শব্দৰ বাণ
শুভ্ৰ কাগজেৰে চিতা সাজি লৈ
দি যাম জীৱন বলি দান |
মমতাও নাথাকিব ,বাধাও নিদিব
মৃতদেহ জ্বলাবলৈ নাথাকিব হায়
নদীৰ পাৰতে শগুণ-শিয়ালে খাব
জীৱনৰ মমতা মোৰ নাই |
© ৰাজু কলিতা
11/12/14
