মুখ্য পৃষ্ঠা
06/04/2514:43
★মৃত্যু★
জীৱনৰ শেষ আছে ,
মাথো শেষ নহয় আশা ।
মৃত্যু আহে সংগোপনে ,
সপোণ হৈ আহা ।
মোৰো এটা সপোণ আছে ,
মোৰো এবুকু মৰম আছে ।
মোৰ জীৱনে কান্দিব পাৰে ,
মোৰ দুচকুৰে চকুলু নিগৰিব পাৰে ,
তথাপি মৃত্যু মই বিচাৰো ।
অ' মোৰ চেনেহৰ বান্ধৈ ,
তুমি দুখ নকৰিবা , তুমিতো জানাই
জীৱনৰ ৰং মৃত্যুয়ে কাঢ়ি লৈ যায় ।
অ' মোৰ প্ৰাণৰ প্ৰেম , তুমি ভাগৰি নপৰিবা ।
তোমাৰ বাবেই গাই যাম ,
মৃত্যুৰ হাজাৰ জয়গান ।
মৰমৰ সৌধ নিবিচাৰো ,
মৃত্যু নহয় মোৰ শত্ৰু ।
উচুপি নাকান্দিবা নিজানত ,
সুখবোৰে অজানিতে হুমুনিয়াহ এৰিব ।
বগা কাপোৰৰ তলত ,
চিৰ নিদ্ৰাত মাতাল হৈ এৰিম ।
তোমাৰ দুটি নয়নে মাথো বিভোৰ চাবা এপলক ।
মোৰ চিতাৰ জুই জ্বলিব দপদপাই ,
তুমি পাৰা যদি এবাৰ মাথো হাঁহিবা ।
মৰিশালিৰ জুই দেখি উন্মাদ নহবা ,
প্ৰেতাত্মা হৈ ভালপাম তোমাক ।
অ' মোৰ প্ৰেম তুমি মোক বিদায় দিয়া ।
পাৰা যদি তুমি , অতিতৰ সোঁনোৱালি বাটত ,
মিচিকি হাঁহি মাৰা ।
যাক লৈ লিখিম মৰনৰ সিপাৰত ,
এটি মধুৰ কবিতা ।
সিমান্তৰ সিপাৰে মৃত্যু নাওঁতো ,
পাৰো যদি গাই মোৰ প্ৰিয় গান ,
পৰ জনমৰ শুভ লগনত......
অ' মোৰ মৃত্যু , ধেমালি আৰু নকৰিবা ।
মোক তোমি লৈ যোৱা তোমাৰ বুকুলে ।
তোমাৰ বুকুত মই জিৰাম ,
তুমাৰ বুকুত মুখ গুজি অতিতলে ঘুৰি চাম ।
চিনাকি মোৰ চহৰ খনি ,
আপোন মোৰ গাওঁ খনি বিদায় মাগিছো মই ।
চকুলো টুকি মোক বাধা নিদিবা ।
উজাগৰে থাকা যদি মাজ নিশা ,
এটি গীত জুৰিবা মই সুহুৰি মাৰি বিছাৰি আহিম
আজি আপোণ মোৰ মৃত্যু শয্যা !!
→ ৰাজু কলিতা
