মুখ্য পৃষ্ঠা
06/04/2513:41
-কল্পনা-
নতুন বছৰত নতুন আশাৰে তোমাৰ দৰে ময়ো জীয়াব বিচাৰো | আশাৰ পিয়লা যদিওবা নিষ্ঠুৰ সময়ে ভাঙি চুৰমাৰ কৰিলে , তথাপি তোমাৰ মৰমক সাবতী আকৌ সাজিব বিচাৰো বুকুত এটি সপোনৰ টঙিঘৰ | অতীত স্মৃতি বোৰ জলাঞ্জলি দিব নোৱাৰাৰ অভিশাপতে কেতিয়াবা নিজকে লৈ যাওঁ তিলে তিলে মৃত্যুৰ দূৱাৰ দলিলৈ | আশা বোৰ সমাধি পাতি জ্বলাও নিজানত |
যদিও কোৱা নহ'ল তোমাক কোনোদিনেই মনৰ কথা ,তথাপি তোমাৰ মৌনতাত অথবা তোমাৰ অভিমানত চুই চাওঁ বুকুখন |তোমাৰ বাবেই সাঁচি ৰাখিছো একাঁজলি মৰম ভালপোৱা | বুকুত ফুলে প্ৰেমৰ হাচনাহানা |আকাশ ,বতাহ ,তোমাৰ প্ৰিয় উপন্ন্যাস ,কবিতা ,গান এই সকলো বোৰৰ আতৰাই আনি তোমাক বুকুত আলফুলে ৰাখো | ভাল পাওঁ তোমাক |মাথো ভাল পাওঁ সংগোপনে | কিদৰে কওঁ তোমাক ? কিদৰে কওঁ তোমাক বহুত ভাল পাওঁ বুলি ?কিদৰে ???তুমি যে আনৰ প্ৰেয়সী !!
