মুখ্য পৃষ্ঠা
06/04/2514:43
★জয়মতী★
জেৰেঙাৰ বুকুত আৰু তুমি নাকান্দিবা ।
তোমাৰ বিননি শুনি
নিশাৰ কুলি জনীয়েও ,
বেদনাত উচুপি উঠে ।
উচুপি উঠে আজিও জয়সাগৰে ।
আজিও অসমৰ জান-জুৰিয়ে ,
তোমাৰ বিননিৰ ৰোল তোলে ।
তুমি চানেকি জীৱন্ত প্ৰেমৰ ।
স্বাৰ্থপৰ তুমি নোহোৱা কোনোদিন ,
স্বাৰ্থপৰ নহয় জেৰেঙাৰ বিননি ।
অ' অসমৰ জীয়াৰী ,
তুমি আৰু কিমান স্বামীক জিয়াই ৰাখিবা ?
তোমাক যে আজি পাহৰি গ'ল ,
অসমৰ গাভৰুৱে ।
প্ৰেমৰ স্মৃতি জীয়াই ৰাখিবলৈ ,
ব্যৰ্থ হৈ পৰিছে ।
জয়মতী , তুমি আৰু নাকান্দিবা ।
তোমাৰ বিননি আজি ,
নিয়ঁৰৰ টোপাল হৈ জিলিকি আছে ।
জিলিকি আছা তুমি ,
অসমীয়াৰ হৃদয়ে-হৃদয়ে ।
পাৰা যদি আকৌ এবাৰ কোৱা ,
"স্বামীৰ বাতৰি মই নকওঁ"
ৰুপৰ প্ৰতিমা তুমি ,
অসমৰ জীয়াৰী সতী জয়মতী ।
© ৰাজু কলিতা
18/12/13
