মুখ্য পৃষ্ঠা
06/04/2515:06
★শেষ হুমুনিয়াহ★
ক'লা ধুঁৱাৰে যিদিনা আকাশ ছানি ধৰিব ,
বুজিবা সেইদিনা ,
বিস্ফুৰন হ'ল মোৰ বুকুৰ স্পন্দণ ।
শব্দময় পৃথিৱীত
হয়তো নুশুনিবা সেইদিনা ,
আইৰ হিয়াভঙা চিঞঁৰ ।
নুশুনিবা তুমি , মোৰ সপোনৰ বিননি ।
হয়তো দেখিবা শূন্য আকাশত ,
এজাক শগুনৰ দল ।
মোৰ মৃত দেহ ফালি ভক্ষণ কৰিব ,
ক'লা পৰা মোৰ তেজেৰে ফাকুৱা খেলি ,
আকাশত মুক্ত মনে উৰিব ।
হুমুনিয়াহ নিগৰিব
জানো সেইদিনা তোমাৰ ?
হাহাকাৰ কৰিবনে যন্ত্ৰণাত বুকুয়ে ?
নতুন দিনৰ ঠিকনা লৈ ,
পুৰ্বাচলত দিনমনি ওলাব ।
মোৰ ভালপোৱাৰে শপত ,
তুমিও যাবাগৈ মোক পাহৰি এদিন ,
নৱ জীৱনৰ ঠিকনা বিচাৰি ।
অস্তিত্ব মোৰ হেৰুৱাই দিবা ,
এবাৰো মোৰ সমাধিত চকু নিদিবা ।
ব্যৰ্থ হিয়াৰ প্ৰতাৰিত দলিল ,
জ্বলাই দিবা মোৰ চিতাত ।
শেষ হুমুনিয়াহ মোৰ ,
লৈ যোৱা তোমাৰ হাতৰ মুঠিত ।
© ৰাজু কলিতা
20/11/14
