মুখ্য পৃষ্ঠা
06/04/2514:40
•হৃদয়•
(ক)
হৃদয় দেখিছা
মই দেখা নাই এখনি তেজৰ হৃদয় ।
তুমি হৃদয়ৰ বিননি শুনিছা
মই অনুভৱত শুনিছো ভগ্ন হৃদয়ৰ আৰ্তনাদ
শুনিছো ,
ভাল পাবলৈ এখন হৃদয় লাগে ,
যি হৃদয় আনে নেদেখে ।
(খ)
হৃদয়েৰে হৃদয়ৰ লগত পাতিছো
মৌনতাৰ অলেখ কথা
হৃদয়ৰ কেনভাছত প্ৰেমৰ ভাষা
হৃদয় এখনি ৰঙা ৰূমাল
বুকু প্ৰেমৰ চোতাল ।
(গ)
হৃদয় খন আধুনিকতাত নীলাম কৰিলো
চকু ফাটি নিগৰিল এটুপি তেজ
চোলাৰ জেপত এখনি চিঠি
তাতেই তেওঁৰ বেনামী ঠিকনা ।
(ঘ)
প্ৰেমিক পোচাক যোৰ খুলি থৈ
জীৱনক দি যাম বলীদান
হৃদয়ৰ গভীৰ কোনৰ পৰা
ওলিয়াই আনিম মৰম ভালপোৱা
মই যদি হেৰাই যাওঁ প্ৰিয়তমা
হৃদয় খন সজতনে ৰাখিবা ।
(ঙ)
দুভাগ ৰাতি কুলিৰ মাতত
চিকুটি চালো হৃদয় খন ।
ফেহুঁৰঙী সপোন এটাই চুই গ'ল দুচকু
উশাহ এটি বাগৰি বাগৰি
প্ৰতিধ্বনি হ'ল
হৃদয় সাৰে ৰল।
(চ)
তোমাৰ যদি সময় হয় বান্ধৈ
নিজান ৰাতি মোৰ পঁজালৈ আহিবা
মুক্ত আকাশৰ তলত পাতিম
মৃত হৃদয়ৰ শতবাৰ্ষিকী ।
এটুপি সুৰাত মাতাল হৈ
তৰাৰ দেশত উৰাম হাঁহিৰ নিচান ।
____ৰাজুকলিতা
06/03/15
