মুখ্য পৃষ্ঠা
06/04/25
14:25
"অনুভৱ"
বেলিৰ পোহৰত পৃথিৱী যেতিয়া গাভৰু হ'ব ,
ঋতুয়ে নিজৰ ঠিকনা সৰা পাতত লিখিব |
আকাশৰ নীলা আঁচলত ,
কোনেনো কাৰ ঠিকনা লিখিব ?
পৃথিৱীয়ে যেতিয়া নিহপালি দিব
তৰাবোৰে ঠিকনা লুকুৱাই ৰাখিব |
মাতৃৰ দুগ্ধ পান কৰি
কেঁচুৱাবোৰ কোলাতে শুব ,
মাতৃ উজাগৰে প্ৰহৰ গণিব |
বেলিয়ে আমনি নকৰালৈ ,
পৃথিৱী শুয়ে থাকিব
এখিলা দুখিলা গছপাত সৰি সৰি
ঋতুবোৰে বগুৱাবাই যাব
দিন মাহ পাৰ হৈ
আকৌ বসন্ত আহিব
পৃথিৱী গাভৰু হ'ব |
দাঁত গজা শিশুবোৰে
মাতৃৰ উদং বুকুত হাঁহাকাৰ কৰিব |
© ৰাজু কলিতা
10/02/15
